2023ko Egutegi Fiskala eta egun baliogabeak
Urtero bezala, zehaztu da aurtengo egutegi fiskala, baita egun ez-baliodunen egutegia ere. Jarraian duzu informazio osoa.
Gehiago
Ohiko osoko bilkura deialdia astelehenerako
Datorren astelehenean, urtarrilaren 30ean, izango da bilkura iluntzeko 18:30ean Udaletxeko areto nagusian. Jarraian dituzue bertan aztertuko diren gaien zerrenda eta gogoratu bilkurak publikoak direla eta edozeinek duela bertaratzeko aukera.
Gehiago
Santa Fe kalean konponketa lanak datorren astetik aurrera
Santa Fe kalean ibilgailuek erabiltzen duten errepideko hainbat puntutan, zoruaren konponketa lanak egingo dira datorren astetik aurrera. Zehazki udaletxe parean, Illati aurreko zebrabidean eta estanko parean esku hartze batzuk egingo dira. Baita gorago ere, fruta-denda aurrean eta Arrese-Aztia arteko zebrabidean. Lan hauek medio herri-guneko errepide hau moztuta egongo da aldi eta puntu ezberdinetan eta aparkalekuetan ere eragina izan dezake. Lanak antolatu eta gauzatu ahala jakinaraziko dira trafiko ohar horiek.
Gehiago
Elur iragarpenen aurrean, kontuan izateko jarraibideak
Negu giroa etorri zaigun honetan, elur iragarpenak daude datozen egunetarako. Momentuko iragarpenek 200 metro ingurutik gora kokatzen dute elur-maila, nahiz eta tokian toki beherago ere iritsi daitekeen. Une aproposa, beraz, urteroko jarraibideak gogorarazteko. Jarraian aurkituko dituzue.
Gehiago
Berdintasuna, hezkuntza, gazteria eta aniztasunaren arloko lan bilera deialdia
Urtarrilaren 24an, asteartean, iluntzeko 18:00etan izango da lan-arloko bilera, herritarrei irekia. Lan bilera udaletxeko pleno aretoan izango da eta jarraian dituzue landuko diren gaiak.
Gehiago
Bolumen handiko traste zaharren bilketa astelehenean
Urtarrilak 16 astelehena. Gaueko 21:00etatik aurrera atera ahal izango dira garbigunera eraman ezin ditzakegun trasteak. Gogoratu HILABETEKO 1. eta 3. ASTELEHENetan SOILIK atera daitezkeela traste zaharrak.
Gehiago
Urtezarra dela eta oharrak eta ibilgailuentzat bide mozketak
Geroz eta ohitura zabalduagoa da urte berriaren hasiera suziri eta su artifizialez ospatzea. Ohar honen bidez, hauekin ARDURAZ JOKATZEA ESKATU NAHI DIEGU HERRITARREI, ez-beharrak ekiditeko dagozkion neurriak hartzea gogoraraziz. Gainera, bereziki eskatu nahi dugu ETXABEREAK ETA GANADUA GERTU DEN LEKUETAN SU-FESTAK EKIDITEKO.
Abenduaren 30, 31 eta 1ean, OSTIRALA, LARUNBATA ETA IGANDEA, urte amaiera dela eta ibilgailuen joan etorrian eragingo duten hainbat neurri hartuko direla jakinarazten dugu.
Gehiago
Bolumen handiko traste zaharren bilketa
Urtarrilak 2 astelehena. Gaueko 21:00etatik aurrera atera ahal izango dira garbigunera eraman ezin ditzakegun trasteak. Gogoratu HILABETEKO 1. eta 3. ASTELEHENetan SOILIK atera daitezkeela traste zaharrak.
Gehiago
Hondakin bilketa zerbitzuan aldaketarik ez datozen egunetan
Jaiegunak tarteko aldaketak egon izan dira hondakinen bilketa zerbitzuan beste urte batzuetan, baina aurtengoan jaiegunak asteburuan egokitzen direnez, EZ DA INOLAKO ALDAKETARIK IZANGO bilketa egutegian.
Gehiago
Banatu da etxez etxe 2023ko egutegia
Urtero bezala egutegia argitaratu du Zaldibiako Udalak herritarrek helarazitako argazkiz hornitua. Astelehenean banatu zen etxez etxe eta baserrietako buzoietan posta bulegoan. Berrikuntza gisa, bolumen handiko trasteen bilketa egunak markatuta datoz egutegian nahasmenak ekidin asmoz. Urte berri on!
Gehiago
Udal Herri Batzarra astelehenean, aurrekontuak hizpide
Urtero bezala, Herri Batzarrerako deialdia egin du Udalak, 2023ko erronkak eta aurrekontua azaldu eta Iritzi-ekarpenak jasotzeko. Astelehenean, hilak 19, izango da batzarra, 18:30etan Udaletxeko Herri Aretoan. Euskaraz ez dakitenentzat aldibereko itzulpen zerbitzua egongo da.
Gehiago
Abenduaren 6an Udal zerbitzuak zabalik
Abenduaren 6an, udaletxea eta Karreane kultur etxea zabalik izango dira ohiko ordutegian. Udal zerbitzuek normaltasunez jardungo dute.
Gehiago
2022ko 3. hiruhileko ur hornidura tasa
Ordainketa epea: 2022ko abenduak 1 - 2023ko urtarrilak 16
Gehiago
