Egonkortze prozesua: bildu dira epaimahaiak eta prest daude behin-behineko aktak
Epaimahaiak asteazken eta ostegunez bildu dira Gizarte langile, Administrari eta Administrari laguntzaileen lanpostuetarako merezimenduak egiaztatzeko. Lehiakideek 10 egun balioduneko epea izango dute erreklamazioak egiteko. Astelehenetik hasita, hilaren 23ra arte. Jarraian informazio gehiago.
Gehiago
Ur hornidura eta hondakinen kudeaketako tasak: 2023ko 4. hiruhileko erreziboak
Zergabilketa epea: otsailak 1 - martxoak 15
Gehiago
Urteko azken osoko bilkura ostegunean
Ostegunarekin ospatuko da 2023 urteko azken plenoa. Hilaren 28an, arratsaldeko 18:00etan bilduko da udalbatza. Jarraian dituzue bertan aztertuko diren gaien zerrenda eta gogoratu bilkurak publikoak direla eta edozeinek duela bertaratzeko aukera.
Gehiago
Datozen egunetan, aldaketak atez-ateko zerbitzuan
Dakizuen bezala, hondakinen bilketako langileek urteko egun guztietan egiten dute lan abenduaren 24ko eta 31ko gauetan izan ezik. Aurten igandez egokitu dira, Zaldibian ontzi arinak ateratzeko egunean, alegia. Herritarrei bilketa egunak ez kentzeko, ontzi arinen bilketa egun bat aurreratuko da. Hau da, abenduaren 23an eta 30ean atera behar dira ontzi horiak eta 24 eta 31 goizean zehar jasoko dira. Barkatu eragozpenak.
Gehiago
Datorren astean banatuko da etxez etxe 2024ko egutegia
Urtero bezala egutegia argitaratu du Zaldibiako Udalak, herritarrek helarazitako argazkiz hornitua. Datorren astean zehar banatuko da etxez etxe eta baserrietako buzoietan, posta bulegoan. Zenbait berrikuntza txiki ekarriko ditu 2024rako prestatutako aleak. Gainera, Biziolako produktu sorta zozketatuko da argazkiak bidali dituzuen guztion artean. Eskerrik asko eta urte berri on!
Gehiago
Ohiko Osoko Bilkura asteazkenean
Azaoroko azken ostegunean greba deialdia izanik, asteazkenarekin ospatuko da plenoa. Hilaren 29an, arratsaldeko 19:00etan bilduko da udalbatza. Jarraian dituzue bertan aztertuko diren gaien zerrenda eta gogoratu bilkurak publikoak direla eta edozeinek duela bertaratzeko aukera.
Gehiago
Hondakin bilketa zerbitzuan aldaketak gaur eta bihar
Sasietako hondakin-biltzaileek bat egin dute Azaroaren 30eko greba feminista orokorrarekin eta bihar, osteguna, ez da hondakinik bilduko Zaldibian. Ondorioz, gaur ez da ontzi arinik edo errefuxarik atera behar. Errefuxa bihar ateratzea komeni da, organikoarekin batera, ostiral goizean bilduko baitituzte biak. Ontzi arinak, berriz, igandean atera behar dira.
Gehiago
Lau lanpostutan merezimenduak egiaztatzeko epea eta epaimahaia kalifikatzailearen izendapena
Lan eskaintza publikoaren bidez Zaldibiako Udalak eskainitako lau lanpostutan merezimenduak egiaztatzeko epea ireki da eta epaimahaia kalifikatzailearen izendapena egin da, 2023ko azaroaren 21ean Gipuzkoako Aldizkari Ofizialean argitara eman denez. Informazio osoa jarraian.
Gehiago
Gitarra jotzen ikasteko plaza bat libre
Abendutik ekainera bitarte musika eskolan gitarra klaseak jasotzeko plaza bat libre dago, 16 urte edo gehiagokoentzat. Klaseak astearteetan izango dira 16:30etik 17:00etara, hilean 55,84€ ordainduta. Interesatuek kultur-etxean eman behar dute izena azaroaren 23a baino lehen (943160338 / 676531079). Herritar bat baino gehiago interesatuko balitz, aukeraketa zozketaz egingo da.
Gehiago
Ur hornidura eta hondakinen tasak: 2023ko 3. hiruhileko erreziboak
Zergabilketa epea: azaroak 2 - abenduak 15
Gehiago
Aldi baterako peoi-balioanitzaren hautaketarako prozesuaren emaitzak
Duela bi aste jakinarazi genuen Zaldibiako Udalak, ordezkapen aldi baterako pertsona bat kontratatuko zuela peoi-balioanitz lanetarako. Lanbideren bidez deialdia eginda, izen-emate epea pasata eta bakarkako elkarrizketak eginda, jarraian dituzue prozesuaren emaitzak.
Gehiago
Zaldibiako Udala eta bere zerbitzuak itxita egongo dira asteazkenean
Zaldibiako Udaleko Langileen Batzarrak bat egin du urriaren 25erako zerbitzu publikoan gehiengo sindikalak deitutako grebarekin. Hori dela eta asteazken honetan udaletxea, udal liburutegia eta udal zerbitzuak itxita egongo dira. Oharra: kirol, euskara ikastaro eta musika eskola ez dira itxiko.
Gehiago
Peoi balioanitzaren aldi baterako ordezkapena egiteko deialdia
Zaldibiako Udalak aldi baterako pertsona bat kontratatuko du peoi balioanitz posturako ordezkapen bat betetzeko. Irakurri baldintzak jarraian.
Gehiago
