Hilerrirako pasealeku berria martxan
Urte hasierako herri-batzarrean azaldu zenez, oinezko sarbidea egoera txarrean zegoela ikusirik eta hilerri aurreko bi lur eremuak Udalarenak izanik, hobekuntza proiektu txiki bat garatzen hasteari ekin zaio. Fase ezberdinetan egingo da. Lehen fasean erdiko pasabidea desagertu eta zig-zagean bariante azpitik abiatu eta hilerriko ateraino joango den 2 metroko zabalerako bidea egingo da.
Gehiago
Bi eraikitzaile aurkeztu dira Udaletxe berria eraikitzeko
Lehen deialdia hutsik geratu ondoren, proiektua eta aurrekontua berraztertu eta bigarren deialdia egin zen apirilean. Atzo amaitu zen aurkezpen epea eta bi eraikitzaile aurkeztu dira. Kontratazio mahaia astelehenean 12:00etan bilduko da puntuazioak zehaztu eta lana nori esleitu proposatzeko. Proposamena Osoko Bilkurak onartu behar du, bilkura hau maiatzaren 24an ospatuko delarik. Epeak betetzen badira, obra uztailean hastea aurreikusten da eta 15 hilabeteko iraupena izango dute.
Gehiago
Hondakinen bereizketan marka berria: %86!
Sasietak kaleratu dituen apirileko datuek baieztatu dutenez, Zaldibian inoiz izan dugun birziklapen tasa handiena eskuratu dugu, sortzen diren hondakinen %86 birziklatzera bideratzea. 3 birziklaguneak kendu eta auzoetan etxolak martxan jarri bezain laster lortu da marka. Eredugarria da zaldibitarron konpromisoa, zorionak!
Gehiago
Kultur eta Kirol taldeei diru-laguntzak
Iaz diru-laguntzak emateko ordenantza onartu ondoren, hemen da 2019 urteari dagokion diru-laguntza DEIALDIA. Herriko kultur eta kirol taldeek ekainaren 21era arteko epea dute beren eskaerak telematikoki egiteko. Sakatu hemen eskabidea egiteko. Edozein zalantza argitzeko Kultur Etxera jo.
Gehiago
Oporrak bakean: izan harrera familia
Oporrak bakean programaren helburua da urtero bi hilabeteetan zehar (uztaila eta abuztua) 10-12 urte bitarteko saharar haur errefuxiatuak euskal familietan hartzea, basamortuko baldintza gogorretatik atera eta mediku azterketa eta dieta orekatuarekin errekuperatu eta indartzeko. Apirilaren 15a baino lehen eman behar da izena. Informazio gehiago: www.oporrakbakean.eus
Gehiago
Lehen Sorospen ikastaroa maiatzean
Udalak DYAren eskutik antolatu du ikastaroa. 2 saio izango dira, euskaraz eta doan.NOIZ: Maiatzaren 7an eta 8an
ORDUA: 17:30etik 19:30era
LEKUA: Karreane Kultur Etxean
Gehiago
Haur txikien Jolas Gelarako giltza pertsonalak
Jada zabalik dago Haritza jolas gelara sartzeko giltza pertsonala eskatzeko aukera Kultur Etxean. Kimuene kulturgunean kokatuta dagoen jolas gelara sarbidea izateko aukera ematen die erabiltzaileei giltza honek.
Gehiago
Martxoaren 16an VI. Goierri Rallysprinta
Seigarren urtez ospatuko da “VI. GOIERRI RALLYSPRINT” proba. Lasterketa solidarioa da, ASPANOGI erakundearen aldekoa, minbizia duten haurren elkartearen aldekoa, eta bildutako dirua elkarteari bideratzen zaio. Urtero bezala, ibilbidearen zati bat Zaldibiatik igaroko da eta beraz, hainbat bide itxita egongo dira Lazkao-menditik Larraitza bidean, eguerdiko 12:30etik iluntzeko 20:30era martxoaren 16an, larunbata.
Gehiago
Udal Herri Batzarra ostegunean
Urtarrilaren 31n, osteguna, 18:30ean hasita Udal Herri Batzarra egingo da Karreane Kultur Etxeko goiko solairuan. Bertan landuko diren gaiak: 2019ko aurrekontuak eta ordenantza fiskalak, Udal langilegoa, Udal Eraikin berriaren proiektua eta arlokako erronkak. Herritar guztiei bertaratzeko deia egiten dizuegu.
Gehiago
Osoko Bilkura deialdia ostegunerako
Ostegunean, hilak 20, arratsaldeko 18:00etarako deitu da Udalbatza. 2019rako aurrekontuak, 2018-2022 Euskararen Erabilera Plana eta diru-laguntzak emateko udal-ordenantza onartuko dira, besteak beste.
Gehiago
Abenduak 3: Euskaraldiaren amaiera eta Kimueneren irekiera
Astelehena izanagatik, abenduaren 3an, Euskararen Nazioarteko Egunean, "festatxoa" izango dugu iluntzean herrian. Gaztaina erreen epelean, euskaraldiaren 11 egunei agur esan eta Kimuene Kulturgune berriko ateak irekiko dira 18:30etik 19:30era bitarte. Beraz, herritarrei Artxanberrira bertaratzeko deia egiten dizuegu.
Gehiago
Ez-Ohiko Pleno deialdia ostiralerako
Azaroaren 23an, ostirala, 15:00etan Udaleko Batzar Aretoan Ez Ohiko Osoko Bilkura ospatuko da. Bi gai izango dira gaiordenean: Azaroak 25, Emakumeen kontrako indarkeria ezabatzeko Nazioarteko Eguna Adierazpen Instituzionala eta Euskaraldia ekimenari buruzko Adierazpen Instituzionala.
Gehiago
