Parte hartzea
Zaldibian, Udaberria loretan! Ekaineko agenda
Zaldibiako Udalak, 2021eko ekainerako herrian antolatu diren ikuskizun eta ekimenen agenda osatu du. Azken txanpan da udaberria eta ate joka dugu udara. Ekitaldi, ikuskizun, Izen emate eta sarreren inguruko informazioa hemen duzue.
Gehiago
Ez-Ohiko Osoko Bilkura deialdia ostegunerako
Datorren ostegunean, ekainaren 3an, izango da bilkura iluntzeko 19:00etan. Jarraian dituzue bertan aztertuko diren gaien zerrenda eta bilkura jarraitu ahal izateko modua.
Gehiago
Saltarriko leizearen garbiketa
Enirio-Aralar Mankomunitateak deituta eta eguraldiak baimentzen badu, ekainaren 5ean Saltarriko leizearen garbiketa egingo da. Urtetan zehar pilatzen joan den zaborrez beteta dago leizea eta Mankomunitatetik deialdi irekia egin da eremua lehengoratzeko lana gidatuko duen Felix Ugarte espeleologia taldeari lagundu nahi dionarentzat. Parte hartu nahi dutenak goizeko 9:00etan Saltarrin egotea eta aurrez izena ematea eskertuko da. Jarraian informazio osoa.
Gehiago
Hitzaldi zikloa: ZALDIBI, PLAZARA! – Herriko plaza, egindako bidea eta datorrena
Maiatzak 19, asteazkena, 18:30ean Zaldibiako herri antzokian izango den hitzaldirako izen ematea zabalik dago. Hiritik At-ekoen eskutik iaz burutu zen prozesuaren ondorioak plazaratzeaz gainera, plazan aurten aurreikusten diren lanak eta espazio publikoaren burujabetzaren baitan aurrera begirako asmoak izango dira hizpide saio honetan.
Gehiago
Herri-Hezitzaileen Sarearekin elkarlanean beste urtebetez
Apirilaren 30ean Karreane Kultur Etxean izan den prentsaurrekoan sinatu dute 2021eko hitzarmena Oinherri Herri Hezitzaileen Sareak eta Zaldibiako Udalak. Iaz hasiera eman zitzaion bideari jarraitzeko erronka ugari aurten ere, bai herri mailan, baita Euskal Herri mailan, haur eta gaztetxoen beharrak oinarri. Hitzarmena sinatu den ekitaldi berean, maiatzean zehar herriko gaztetxoekin egingo den prozesua ere aurkeztu dute. Jarraian informazio osoa.
Gehiago
Zaldibi Gaztetxoen Kabi!
Herriko 11-15 urte arteko gaztetxoak protagonista izango diren prozesu bat abiarazi dugu, Oinherri Sarearekin eta Emun aholkularitzarekin batera. Jarraian informazio osoa eta izena emateko aukera.
Gehiago
Martxoak 8 emakumeon* ahalduntzera bidean beste pauso bat
2021eko martxoaren 5etik 8ra ospatuko da aurtengo lilatoi lasterketa birtuala. Aurreko urtean Zaldibian izan zuen arrakasta ikusi eta gero, aurtengoan lasterketa herrikoia egin nahi da martxoaren 7an , egoerak eskatzen dituen segurtasun-neurri guztiak bermatuz noski. Hemen duzue informazioa eta izen emateko aukera.
Gehiago
2021erako erronka proposamenak aurkeztu ditu Udalak herri batzarrean
Zaldibiako Udalak arloz arloko 2020aren balorazioa eta 2021. urteari begirako erronkak proposatu ditu urteko lehen herri batzarrean, Erronka hauei loturiko aurrekontu proposamena aurkeztu zuen atzo Antzokian. Bileran 30 lagun inguruk parte hartu zuten, erdiak telematikoki, eta hemen duzue batzarreko grabazioa ikusgai.
Gehiago
Ostegunean antzokian, udal herri batzarra burutzeko deialdia
Zaldibiako Udalak urteko lehen UDAL HERRI BATZARRA antolatu du urtarrilaren 21 ostegunerako. Arratsaldeko 19:00etan Antzokian burutuko da eta dagozkion segurtasun neurrien baitan antolatuko da. Aurreko urteko balorazioa eta datorrenari begirako erronkak eta aurrekontu proposamena aurkeztuko dira.
Gehiago
Zaldibiako Udal irudi berria erabaki dute herritarrek
2020ko abenduaren 20an Zaldibiako plazan jendaurrean egindako kontaketaren emaitzek ez dute zalantzarako tarterik utzi. Erabakian parte hartu duten herritarrek gegiengo osoz erabaki dute Zaldibiako Udalaren irudia izango dena. Asteartean burutzekoa den osoko bilkurara eramango da herritarrek hartutako erabakia, bertan berretsia izan dadin.
Gehiago
Udal irudi berria, ERABAKIA HARTZEKO GARAIA HELDU DA!
Udalaren irudi berria aukeratzeko prozesua azken txanpan sartzera doa. Herritarren artean informazioa banatu eta galdetegiak jaso zituen Jarraipen batzordeak. Prozesuarekiko adostasun zabala jaso da eta aurkezten diren lau irudietakoren batek Udal irudi berria izateko balio duela adierazi zuen galdetegia bete zuten herritarren gehiengoak. Hau horrela izanik, 2020ko abenduaren 14tik abenduaren 20ra aurkeztutako lau irudiak bozkatu ahalko dira Karreane kultur etxean. ERABAKIA ZURE ESKU! Hemen duzue informazio guztia.
Gehiago
Zaldibiako Udalaren IRUDI BERRIA aukeratzeko prozesua
Zaldibiak Udal Eraikin berria izango du aurki eta "Zaldibia" izenaren benetako esanahitik eta herritarrengandik gertuago egongo den irudi berri bat lantzeko une egokian gaudela uste dugulako abiatu dugu prozesu parte hartzailea. Egungo egoeran badakigu ez dela herritarren kezka nagusia, baina arriskuan inor jarri gabe eta prozesua osasun neurriekin uztartuz, egingarria dela uste dugu.
Gehiago
Hugo eta Eusebio aurten ere ez dira faltako
Herriko festak eta barrakak eskutik doaz, eta bada familia bat, Maria eta Joaquin eta hauen seme-alabena, urtero urtero gure artean izaten dena. Bada beti bezala ez bada ere, Zaldibian izango ditugu azaroaren 6tik 15era bitarte, Antzoki aurreko aparkalekuan.
Gehiago
Buruarinak egiteko tailerrak urriaren 15 eta 22an
Uztailean 2 urtetik 5 urtera bitarteko haurrek izan zuten buruarinak egiteko tailerrean parte hartzeko aukera. Oraingoan, LH 1 eta LH 2 mailakoentzat egingo da tailerra urriaren 15ean eta LH 3 eta LH 4 mailakoentzat urriaren 22an. Informazioa jarraian.
Gehiago
Festak 2020: batzarra irailaren 3an
Bertan da urria, gure herrian hilabete kuttuna, herriko festen garaia. Aurten egoeraren ziurgabetasunak eraginda irail hasierara atzeratu zen lanketa eta datorren ostegunean, irailak 3, iluntzeko 19:00etan Herri Antzokian egingo da bilera. Jarraian informazio osoa.
Gehiago
