Kultura
Kimuene kulturguneko areto berria: laster martxan
Abenduan amaitu ziren Kimuene Kulturguneko areto berriko lan nagusiak, eta estreinatu ere egin zen neguko oporretan nahiz eta hainbat lan oraindik egiteko dauden. Ispilua eta sarraila jartzea falta da nagusiki, eta datorren astean espero da lan hauek egitea. Hortik aurrera martxan izango da Gereziondo izena hartu duen aretoa ere. Jarraitu irakurtzen.
Gehiago
Zaldibiako Erroten ondarearen inguruan urrats berriak aurten
Iaz burututako ekintzei jarraipena emango zaie aurten ere. Urtean bi alditan Kanpaingo Errota martxan jarri eta ate irekiak antolatuko dira. Lehena maiatzean izango da, Gipuzkoako Erroten Eguna ekimenarekin bigarrenez bat egingo delarik. Gainera, ikus-entzunezko bat ekoitziko da ordurako Labrit Ondarea taldearen laguntzarekin, herriko erroten ibilbidea eta historia jasoz. Lanketa honen oinarria auzolana izanik, orain artean inplikatutako herritarrekin lan saioa egingo da ostiral honetan, 16:30ean Udaletxe azpiko Herri Aretoan eta bertan izango dira Labrit Ondarekoak ere. Deialdia irekita dago aurtengo ekimenak ezagutu eta bere ekarpena egiteko prest dauden herritar guztientzat.
Gehiago
Herriko Kultur eta Kirol taldeen urte amaierako bilera
Herriko kultur eta kirol taldeen bilkura egin zen pasa den astean, aurtengoan bigarrenez. 16 herritar eta udal ordezkari-teknikariak elkartu ziren, herriko 15 eragile ezberdinen ordezkaritzapean. 2022ko urtearen balantzeaz gain, 2023rako erronkak izan zituzten hizpide, baita udal diru-laguntzak eta herriko taldeen osasunari buruzko ariketa bat ere. Jarraian informazio gehiago.
Gehiago
Ipuin kontaketa musikatua izan da LH1 eta LH2ko haurrentzat
Ederki pasa dute txikiek bazkalostean, Ameli eta Xirrikituen jostunek izeneko ipuin kontaketa musikatuan. Adi-adi jarraitu dituzte Amagoia Elizagoien eta Irati Celestino, baita beraiekin abestu eta gorputzari eragin ere.
Gehiago
2022ko neguko oporrak Zaldibian
Neguko oporretan ere izango da zer egin eta zer gozatu herrian. Hainbat ekintza antolatu dira haur, gazte zein helduentzat. Jarraian ikus dezakezu agendaren zati bat:
Gehiago
Botatako zuhaitzari bizia emateko sorkuntza
Askok ikusiko zenuten Xanti Ormaetxea plazan puskatutako zuhaitz bati begira, akasko lanean ere bai.
Gehiago
"AMAIUR: LIBERA STATE" liburuaren aurkezpena
ASISKO URMENETAren AMAIUR LIBERA STATE liburuaren aurkezpena izango dugu Zaldibian.
NOIZ: AZAROAK 29 ASTEARTEA
ORDUA: 18:30ean
LEKUA: Karreane Kultur Etxean
Gehiago
Kimueneko azken fasea eta Udaletxeko eguzki-plakak: urte hasieran onartutako proiektuak errealitate bihurtzen
Aurrekontuak onartzearekin batera eman zitzaien bide bi proiektuei. Batak, segida ematen dio 2018an irekitako Kimuene Kulturgunea egokitzeari, eta besteak 2021ean haurreskolako teilatuan jarritako energia auto-hornikuntzaren bideari. Jarraian informazio osoa:
Gehiago
2023ko egutegirako argazkien eskaera
Zaldibiako Udalak urtero argitaratzen du etxez etxe banatzen duen egutegia. Aurten ere, helburu horrekin, herriarekin zerikusia duten argazkiak bildu nahi ditu. Beraz, argazkiren bat izan eta egutegian argitaratzea nahi bazenute, kultur etxera eraman edo emailez bidali kulturetxea@zaldibia.eus helbidera, izenburuan 2023rako egutegirako argazkiak jarrita. Argazkiak bidaltzeko azken eguna azaroaren 15a, asteartea, izango da.
Gehiago
AMAraun ikuskizuna Zaldibiako Herri Antzokian
Oihana Iguaran dantzari eta bertsolaria eta Amaiur Luluaga dantzaria gidari dituen ikuskizun honetan, amatasunaren inguruan hausnartzen da musika, kantua eta dantza uztartuta. Enpatia eta aitortza ariketa bat amatasun mota guztiekiko, eta hausnarketa bat gizartean figura horrek betetzen duen paperarekiko. Gazte eta helduei zuzendutako ikuskizuna da. Azaroaren 4an, ostiralean, izango da gaueko 22:00etan. Jarraian informazio osoa.
Gehiago
Harri minak antzezlana Zaldibian
Irailaren 30ean, ostiralean, gaueko 22:30ean izango da Antzokian. Bonbon Beltz taldeko Dominika Rekaltek eta Josune Gorosteguik harrien eta herrien minei buruz hitz egingo digute, umorea erabiliz. Sarrerak 5 euroan jarriko dira bertan salgai.
Gehiago
Haurren San Ferminak eta ur jolasak iruditan
Uztailaren 6an, Iruñean edo Lesakan bezalaxe, Udako jardueren barruan Zaldibiako txikienek San Ferminak ospatu zituzten. Aurtengoan, eguraldia tarteko, Resti pilotalekuan. Bestalde, izan ditugun egun bero hauei aurre egiteko, plan ezin hobea izan zuten asteazkenean: ur jolasak. Barruan dituzue argazkiak ikusgai.
Gehiago
Hasi dira udako jarduerak
Uztailaren 4tik 22ra iraungo dute, goizeko 10:00etatik 13:00etara. Bi urteko gelatik LH6ra arteko 170 haur ibiliko dira, 16 begiralerekin. Jolasa, kantua eta martxa ez da faltako herrian. Bestalde, DBH 1, 2 eta 3. mailako 26 gaztetxo ibiliko dira aste hauetan irteera ezberdinak eginez, bi begiralerekin. Azkenik, jarduerak hastearekin batera, begiraleek euskararen eta haurren parte hartzearen inguruko formakuntza saioa izan dute UEMA eta Oinherriren eskutik.
Gehiago
HERRIKO FESTAK 2022: proposamenetarako tartea
Gogoan izan ostiralera arte, uztailak 1, irekita dagoela urrian ospatuko ditugun festetako egitaraurako proposamenak egiteko epea. Lau bide daude horretarako: Kultur Etxera bertaratuta, telefonoz deituta (943 16 03 38), kulturetxea@zaldibia.eus helbidera idatzita edo albiste honen barnean aurkituko duzun fitxa beteta.
Atzo egin zen festak diseinatu eta antolatzeko lehen saioa eta uztailaren 13an izango da bigarrena. Jarraitu irakurtzen.
Gehiago
Gaur izango da Musika eskolako ikasleen kontzertua
Gaur, ekainak 21, arratsaldeko 18:30ean Resti pilotalekuan ikasturte amaierako kontzertua eskainiko dute musika eskolako ikasleek.
Gehiago
