Zaldibiko FESTAK 2023 EGITARAUA

Mondeju usainarekin batera ate joka ditugu Zaldibiko festak. Urriak 5, 6, 7, 8 eta 14an ospatuko dira eta hemen duzue azken hilabetetan herriko eragileekin batera egositako egitarau zabala. Dagoeneko etxe guztietara banatu den euskarriaren bertsio digitala duzue hau.

Zaldibiko Festak 2023 egitarauaren azala

EGITARAUA EGUNEZ EGUN:

OSTEGUNA Urriak 5

• 18:30ean Festak hasi aurreko KALEJIRA, HERRIKO GOIZTIRI TXARANGA ETA TXANBOLINTERO TXISTULARIen doinuekin, ERRALDOIEK eta DANTZARIek alaiturik, OLALDETIK PLAZARA.
• 19:00etan TXUPINAZOA eta IRRINTZIAK udaletxeko balkoitik.Aurtengoan Etxekonekok Aniztasun Elkarteko ordezkariek botako dute festei hasiera emango dien txupinazoa.
• Ondoren ERRALDOIAK, BURUHANDIAK eta herriko GOIZTIRI TXARANGA.
• 20:00etan MONDEJUA dastatzeko aukera herriko plazan, ardoz eta musikaz lagundurik.
• 23:00etatik aurrera BADA GIRO taldearekin dantzaldia.

OSTIRALA Urriak 6 

• 11:00etatik 13:00etara KULKIREKIN JOLASAK haur eta gaztetxoentzat plazan.
• 11:45ean TOKA JOKOA plazan, Beti Gazte Elkarteak antolaturik.
• 12:30ean MOKADUA JUBILATUENTZAT, plazan.
• Eguerdian MIREN AMURIZA eta UNAI AGIRRE BERTSOLARIEN eta HERRIKO TRIKITILARIEN saioa herrian zehar.
• 13:30ean HAURREN BAZKARIA plazan, Ausa Gaztelu Guraso Elkarteak antolaturik. Haur bakoitzak bere bazkaria ekarri behar du eta arduradun batekin etorri. Postrea eta edaria Guraso Elkarteak jarriko ditu. Ondoren JOLASAK.
• 17:30ean DANTZA EMANALDIA plazan, Iztueta Dantza taldearen eskutik.
• 18:30etik aurrera PILOTA PARTIDAK Restin, Gaztelupe Pelota Klubak antolaturik.
  • Pelota Eskolako ikasleen arteko txapelketako finalak benjamin, alebin eta infantiletan.
  • Herriko pelotari gazteen partida: Lide – Jokin / Aratz – Aetz
• Iluntzean GOIERRIKO MARIBATU BATUKADA FEMINISTA kalean zehar.
• 23:30etik aurrera AKERBELTZ taldearen emanaldia.

BARRAKAK 1€an URRIAREN 6an, EGUN OSOZ.

ASKE TALDEAK zapimorea egun osoz janzteko deia egiten du.

LARUNBATA Urriak 7  MOZORRO EGUNA

• 12:00etan PATXIN ETA POTXIN pailazoen emanaldia plazan.
• 12:00etatik aurrera ARROZ PRESTATZE HERRIKOIA plazan eta MOZORROTUEN BILKURA. ARGAZKI GUNEA izango da, eta bazkalondoren zozketa.
• 14:30ean MUNDUKO ARROZ BAZKARI HERRIKOIA plazan. Arroza norberak egin dezake plazan edo etxetik eginda ekarri. Su txapak, txotx-a eta ardoa Udalak jarriko ditu. Izen ematea urriaren 4a baino lehen Karreanen edo www.zaldibia.eus-en.
• Bazkalostea ANDONI OLLOKIEGI bakarlariak girotua.
• 19:00etatik aurrera XAUKENA ELEKTROTXARANGA.
• 23:00etan LOS ZOPILOTES TXIRRIAOS taldearen kontzertua.
• 01:30ean Herriko DJ ANIXAKIK-en saioa.
• Gauean zehar BOTILZARRA programa: aisialdian alkohola edatearen arriskuak murrizteko esku-hartzea, kalean alkohola edaten ari den jendearengana hurbilduz, Ai Laket taldearen eskutik.
• GUNEMOREA: gune informatiboa, indarkeria sexistari buruzko kontzientziazioa eta iritzi/bizipenak jasotzeko gunea, Emagin Elkartearen laguntzaz.

IGANDEA Urriak 8  ANIZTASUNA

• 11:00etan HERRIKO TXANBOLINTERO TXISTULARIEN GOIZ-DEIA kaleetan zehar, segalarien kalejirarekin.
• 11:15etik aurrera Haur, gaztetxo eta emakumeen SEGA SAIOA Almitza Elkartearen eskutik, Mugertza baserriko zelaietan.
• 12:30etik 14:30era ANIZTASUN FESTA plazan, Etxekonekok Elkarteak antolaturik. Herrian ditugun kultura ezberdinetako kideek eskainitako dantza, kanta eta janari dastaketa.
• 17:30ean MOZORRO FESTA ETA HAURREN PLAY-BACK JAIALDIA, Ausa-Gaztelu Guraso Elkarteak antolatuta.
• Emanaldiaren ondoren DISKO FESTA herriko DJ Anixakik-en eskutik.

OSTIRALA urriak 13  Xirika kultur elkarteak antolatuta

• 17:00etan IAGO MAGOA plazan.
• 19:00etan ELKARRETARATZEA.
• 19:30ean PATATATORTILA LEHIAKETA BERTSOLARIEK GIROTUTA (Tikeak Joxepanen salgai 5€an. Prezioan sartzen dira edaria, postrea eta kafea. Su txapak plazan jarriko dira. Tortila egiteko osagai eta materialak norberaren kontu).
• 23:00etatik aurrera DJa.

LARUNBATA Urriak 14 KUADRILLEN EGUNA

• 11:00etan PONYAK OLALDEKO PARKEAN.
• 13:00etan KUADRILLEN IRTEERA JUN DA JOTXARANGAREKIN herriko kaleetan zehar. ARGAZKI GUNEA plazan, bazkalondoren zozketa.
• 14:30ean KUADRILLEN EGUNEKO BAZKARIA plazan. Txartelak herriko tabernetan daude salgai urriaren 10era arte.
• Ondoren KUADRILLEN ARTEKO JOKOAK eta KALEJIRA herrian zehar, Jun da Jo txarangak giroturik.
• 20:30etik 21:30era TRIKIDANTZ taldearen iluntzeko emanaldia.
• 23:30etik aurrera TRIKIDANTZ taldearen gaueko emanaldia.

ZALDIBIAKO FESTAK 2023 EGITARAU OSOA