Menopausia ezagutu, ulertu eta ahalik eta etekin gehien ateratzeko tailerra

Irailaren 17an, Karreanen, Anabel Urkiola zoru pelbikoan espezializatutako fisioterapeuta eta Uxue Castellano emaginaren eskutik. Etapa honetan emakumeek izan ditzaketen alterazio fisiologikoak, emozioetan izan dezaketen eragina eta ongizaterako baliabide ezberdinak izango dira hizpide. Plaza mugatuak dira eta irailaren 12ra arte eman daiteke izena, jarraian (30€). 

Ez-ikusiarena egiten zaion etapa bat da menopausia. Emakumeek, etapa honetan, informazio faltagatik edota ziklo horretan suertatzen diren aldaketengatik beldurra eta bakardadea maiz sentitzen dituzte.

Tailer honek emakumearen zaintza erdigunean jartzea du helburu. Tailer honetan mahai gainean jarriko dira etapa honetan dauden emakumeek izan ditzaketen alterazio fisiologikoak, baita hauek zein eragin izan ditzaketen emozioetan ere, eta nola ez, baliabide ezberdinak emakumeak ongi egoteko.

Parte-hartzaileen autoezagutza ere sustatuko da. Hau da, bakoitzak bere gorputzean gertatzen dena identifikatzen ikastea eta bizi ohitura osasuntsuen bidez nola zaindu aztertuko da.  

Saio hau, Anabel Urkiola zoru pelbikoan espezializatutako fisioterapeutak eta Uxue Castellano emaginak emango dute.

Taldea 8-12 emakume bitartekoa izango da. Izen ematean, Zaldibiako emakumeek taldean sartzeko lehentasuna izango dute.

Izen-ematea irailaren 1-12 bitartean izango da, eta ostean harremanetan jarriko gara izena eman dutenekin taldea osatu den jakinarazteko eta hala izatekotan 30€ko kuota nola ordaindu azaltzeko.