"Karmele" filmaren emanaldia
Otsailaren 22an, igandearekin, Karmele filma ikusteko aukera izango da Zaldibiako herri antzokian, arratsaldeko 18:00etan. Herriko adindun emakumeak ahalduntzeko Ximurrak Xamur programaren testuinguruan kokaturik dago ekintza hau. Sarrerak (3€) herri antzokian bertan erosi ahal izango dira emanaldia hasi baino 15 minutu lehenagotik.
Zuzendaria: Asier Altuna
Iraupena: 114 minutu
Sinopsia:
Karmele (Jone Laspiurrek antzeztua) euskal erizain bat da, 1930eko hamarkadaren amaieran Frantziara erbesteratzera behartua. Han, bere bidea Txomin tronpetista birtuosoarenarekin gurutzatzen da (Eneko Sagardoyk gorpuztua). Elkarrekin, maitasun eta konpromiso politikoz beteriko istorio bizi bat biziko dute, Paris, Caracas eta Euskal Herriaren artean kokatua. Bikoteak familia bat osatzen du eta elkarren arteko konplizitate osoa partekatzen dute; baina une erabakigarri bat iristen da haien bizitzetan: familiari leial izatea ala beren idealekiko leialtasuna hautatu behar dute. Filma Elkarrekin esnatzeko ordua eleberrian oinarritua da, Kirmen Uribek idatzia. Askatasun faltaren aurrean irmotasuna, duintasuna eta adorea aldarrikatzen dituen istorioa da, bikotearen pasioarekin eta konpromiso politikoarekin uztartua.
Trailerra:
