Herriko jaietarako proposamenak bidaltzeko epea ireki da

Zaldibiako Udalak herritik eta herriarentzat sortutako jaiak antolatu nahi ditu, eta horretarako ezinbestekoa iruditzen zaio herritarren proposamenak jasotzea.

 

Urriaren 2tik 5era eta urriaren 11n izango dira aurten Zaldibiako festak, eta egitaraua osatzen hasteko herritarren proposamenak jaso nahi ditu Udalak. Udaberriko oporraldiaren ondoren egingo da jaiak antolatzeko lehen bilera eragileekin; urtero bezala herriko elkarteak bildu eta guztien artean jaiak diseinatzea eta antolatzea da asmoa.

Hainbat saio egingo dira herriko jaiak antolatzeko, baina egitaraua zehazten hasi aurretik, jaietan ekarriko diren musika taldeek eta antolatuko diren bestelako ekimenek egun horietan Zaldibiara etortzeko aukerarik izango luketen jakin behar da. Horregatik da garrantzitsua herritarren proposamenak orain jasotzea. 

Herritarren proposamenak jasotzeko hainbat bide ireki ditu Udalak

  • Beheko aldean dagoen formularioa beteta.
  • Karreane Kultur Etxera bertaratuta.
  • Telefonoz deituta (943 16 03 38)
  • kulturetxea@zaldibia.eus helbidera idatzita.

 

 

Zaldibiako Jaietarako proposamen bilketa

Zaldibiako jaiak urriaren 2tik 5era eta urriaren 11n izango dira aurten, eta festetarako proposamenak jaso nahi ditu Zaldibiako Udalak.