Festen balorazio saioa azaroaren 6an

Azaroaren 6an, asteazkena, egingo da festen balorazio saio irekia, 18:30ean Kultur Etxeko ganbaran. Herritarrak eta herriko eragileak gonbidatuak daude eta jarraian dituzue bertan landuko diren gaiak. 

EGUNA: azaroaren 6a, ASTEAZKENA

ORDUA: 18:30ean

LEKUA: Karreane Kultur Etxeko ganbaran

Balorazioak egin eta jasotzea garrantzitsua denez, urteroko deialdia egiten zaie herriko eragile eta herritarrei balorazio saio irekian parte hartzeko. Modu dinamikoan, honako gaiak izango dira hizpide:

• Festetako ekintzen banakako balorazioen jasoketa: hobetu beharrekoak eta ondo egindakoak. Dinamika hau aurreko urteetan bezala erakusketaren teknika erabiliz egingo da.
• Festen balorazioa gai orokorrak kontuan izanik: partaidetza, berdintasuna, bizikidetza, aurrekontua, antolaketa, lan-banaketa, jasangarritasuna... 
• Festa egunak: iaz bezala aurten ere, 2025eko festa egunak zehaztuko dira eta jai batzordearen bilerak noiz izango diren zehaztuko da. 

Herritar nahiz eragileak bilerara etortzeko deia egiten dugu, eta bertaratu ezin dutenek albiste honen azpialdean dagoen galdetegia betetzeko aukera ere badute, baita iritziak Kultur Etxera bideratzeko aukera ere. 

Eta, festetako argazkirik baduzu? Argazki bilduman sartzea nahi baduzu, ekarri argazkiak modu digitalean Kultur Etxera edo bidali komunikazioa@zaldibia.eus helbidera.