Euskara ikastaroetan izena emateko epea ireki da

Zaldibiako Udalak, AEK euskaltegiak eta UEMAk euskara ikasi nahi duten herritarren asmo eta beharrak ezagutu nahi ditugu, herriko eskaintza antolatzeko. Irailaren 12ra arte eman daiteke izena.

2025-2026 ikasturteko eskaintza antolatzen ari gara Zaldibian, eta horretarako, euskara ikasi nahi duten herritarrak identifikatu eta horien behar eta asmoak ezagutu nahi ditugu. Hala, eskertuko genuke euskara ikasteko asmoa duten herritarrek izena emateko honako galdetegi hau betetzea edo zuzenean Karreane kultur etxera bertaratzea.

Galdetegian jasotako informazioa erabiliko dugu euskara ikasteko taldeak osatzeko, herritarren beharretara egokituta. Irailaren 12ra arte bete daiteke galdetegia.

Orain arte herritik kanpora euskara ikasten aritu direnei ere galdetegia betetzea eskatu nahi diegu, Zaldibiako euskara ikasleen argazki orokorra izateko. 

ZALDIBIAKO IKASTARO AUKERA:

Izen-emateen arabera herrian bertan emango diren ikastaro aukera zabaldu daiteke. Gutxienez ikastaro hauek eskainiko dira:

• Oinarrizko euskara ikastaroa (hastapena, hizkutzarekin lehen harremana izateko)
• A2 maila eskuratzeko taldea
• Guraso taldea, aurtengo berritasuna. UEMAk sustatuta Lardizabal Eskolan eskainiko den ikastaroa. Guraso direnentzat egokitutako metodologia eta edukiez osatuta, euskarara lehen hurbilpena egiteko.

EUSKARA PRAKTIKATZEKO LAGUNAK:

Badira hainbat herritar euskara maila txukun bat lortu dutenak, baina hitz egin eta praktikatzeko urratsa ematea dute hurrengo erronka. 

Horretarako, MINTZALAGUNAK lortu nahi ditugu. Euskal hiztunak eta euskara praktikatu nahi duten herritarrak lotu nahi ditugu.

Prest bazaude bete galdetegia!