Alamartxo gaueko egitaraua
Ekainaren 23an, igandearekin, ospatuko dugu urtero bezala udako solstizioaren festa. Egitaraua prest dugu eta azken urteetan bezala, plazan afaltzeko mahai eta aulkien eskaerak nola egin ere albiste honetan irakurri dezakezu.
Plazan urtean zehar izaten den ekitaldi jendetsuenetakoa izaten da ekainaren 23koa.
ALAMARTXO GAUEKO EGITARAUA:
- 18:30ean Txanbolintero txistulari taldeak alaituko ditu kaleak.
- 20:00etan SUKAR plaza dantza taldearekin erromeriaren lehen saioa eta sagardoa txotxetik plazan
- 21:00etan HERRI AFARIA plazan
- 22:30ak aldera SU PIZTEA eta Iztueta Dantza Taldearen EMANALDIA
- Ondoren SUKAR taldearekin ERROMERIA
MAHAI ETA AULKIAK:
Aurtengoan Zubi-Buru Elkartea eta Gaztelu Elkartea elkarlanean arituko dira 150 lagunentzako afaria antolatzen. Horretaz gain, norberak afaria etxetik ekarrita afaltzeko mahaiak eta aulkiak erabiltzeko aukera izango da.
Udaletxean, Kultur Etxean edo eskatu.zaldibia.eus web atarian egin daiteke erreserba eskaera. Erreserba egin eta onartua izan zaien guztiek, igandean 18:30etik 19:30ak arteko tartean pasa behar dute mahai eta aulkien bila plazako Gure Ametsa udal biltegitik.
Afaldu ondoren eta emanaldia hasi aurretik, 22:00etatik 22:30ak bitartean, hartutako mahai eta aulkiak norberak itzuli beharko ditu berriro Gure Ametsa biltegira.
SU-PIZTEA:
Urtero bezala udal-langileek prestatu eta Iztueta Dantza Taldeko partaideak arduratuko dira sua pizteaz, beraz gainontzekoek ez dute alamartxoan eskurik sartu behar.
TRAFIKO OHARRA:
Igandean, ekainak 23, 17:00etatik aurrera eta astelehen goizaldera arte Mediku-Etxe parean bidea itxiko da ibilgailuentzat. Autobusak Arresenen utzi eta hartuko ditu bidaiariak.
