Urte hasierako herri-batzarrean azaldu zenez, oinezko sarbidea egoera txarrean zegoela ikusirik eta hilerri aurreko bi lur eremuak Udalarenak izanik, hobekuntza proiektu txiki bat garatzen hasteari ekin zaio. Fase ezberdinetan egingo da. Lehen fasean erdiko pasabidea desagertu eta zig-zagean bariante azpitik abiatu eta hilerriko ateraino joango den 2 metroko zabalerako bidea egingo da.

2019-2020 ikasturtean Musika Eskolan hasi nahi izanez gero, maiatzaren 15etik 27ra eman dezakezue izena kultur etxean. Bertan bete beharko duzue matrikula orria. Edozein zalantza izanez gero, deitu 943160338 edo 676531079 zenbakira. Oharra: deialdi hau ikasle berrientzako bakarrik da, eta ez dagoeneko ikasle direnentzako.

Maiatzaren 15ean ospatu zuten aurten ere baserritarren festa, Zelaa hotelean. Bazkalostean solasean aritu ziren trikitilarien konpainian. Argazkiak barruan dituzue ikusgai.

Lehen deialdia hutsik geratu ondoren, proiektua eta aurrekontua berraztertu eta bigarren deialdia egin zen apirilean. Atzo amaitu zen aurkezpen epea eta bi eraikitzaile aurkeztu dira. Kontratazio mahaia astelehenean 12:00etan bilduko da puntuazioak zehaztu eta lana nori esleitu proposatzeko. Proposamena Osoko Bilkurak onartu behar du, bilkura hau maiatzaren 24an ospatuko delarik. Epeak betetzen badira, obra uztailean hastea aurreikusten da eta 15 hilabeteko iraupena izango dute.

Sasietak kaleratu dituen apirileko datuek baieztatu dutenez, Zaldibian inoiz izan dugun birziklapen tasa handiena eskuratu dugu, sortzen diren hondakinen %86 birziklatzera bideratzea. 3 birziklaguneak kendu eta auzoetan etxolak martxan jarri bezain laster lortu da marka. Eredugarria da zaldibitarron konpromisoa, zorionak!